Би таныг таньдаг, таньдаггүй. Миний хаана байдгийг та мэднэ, мэдэхгүй. Би ч бас. ... Таны хэн байх, хаана байх, тэр ч бүү хэл одоо байгаа эсэх нь үл хамааран энэ мөчид та бид хоёр энэхүү блогоор дамжин уулзаж байна. Энэ бол цахим ертөнцийн гайхамшиг юм.
     Анх хэрэглээний зорилгоор үүссэн холболт өнөөдөр та бид хоёрыг холбож байна. Энэ бол хөгжил  бас дэвшил.
Жишээлбэл хотынх, төвийн гэгдэх би гэрээсээ хэзээ л бол хэзээ  интернет рүү орж чадна. Гадуур явж байхдаа ч саад багатайхан хүссэн үедээ интернетэд орж чадна. Сайхан шүү. Гэвч бараг өдөр бүр явдаг замаасаа бага зэрэг хазайж эсвэл хотын төвийн гэх тойргоосоо  гарвал чадахаасаа чадахгүй нь их болно.  Тэр үед хөгжил гэж юу болох тухай бодол орж ирнэ.